Link açıqlığı

Aqyar 20 «acele yardım» maşnasını ala bile, dep qayd ete Kremlge boysunğan şeer gubernatorınıñ vazifesini vaqtınca eda etken Dmitriy Ovsânnikov. Şeer akimiyeti matbuat hızmetiniñ bildirgenine köre, böyle beyanatnı Ovsânnikov Rusiye ükümeti baş nazir muavini Olga Golodetsniñ iştiraginen keçirilgen toplaşuvdan soñ ilân etti.

«Bütün içtimaiy obyektlerniñ umumiy talaplar ve qaidelerge ketirilmesi boyunca işler alıp barıla: tasil müessiseleriniñ resmiyleştirilmesi devam ete, bala bağçalarına nevbetlerni yoq etmek içün tedbirler yapıla, sağlıq saqlav sisteması zemaneviyleştirile. Hususan, Aqyar 20 «acele yardım» maşnasını alacaq, bu ise, yaqın 20 yılğa tibbiy noqtalarnıñ avtomobillernen teminlenmesi meselesini qapatmağa yardım etecek», ­– dep qayd etti Dmitriy Ovsânnikov.

Onıñ sözlerine binaen, toplaşuvda federal programması çerçivesinde 2 mektep ve 3 mektepten aldın müessiseniñ quruvı ve işke tüşürilmesi meseleleri de muzakere etildi.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG