Link açıqlığı

Türkmenistan prezidenti Gurbangulı Berdımuhamedov yañı Esas qanunnı qabul etti, vesiqa prezident vazifesine saylanmaq içün yaş sıñırını lâğu ette ve prezident vazifesini beşten yedi yılğa devam ettire. Yañı qanun, çarşenbe künü Türkmenistan prezidenti tarafından imzalanğan soñ, işke tüşürildi, dep bildire RİA Novosti.

2008 senesi qabul etilgen Esas qanunda prezident vazifesine saylanmaq içün yaş sıñırı belgilendi – 70 yıl. Esas qanunnıñ yañı şeklinde «70 yaşına qadar» sözleri yoq.

Türkmenistanda nevbetteki prezident saylavları 2017 senesi keçirilecek.

Ameldeki Türkmenistan prezidenti 59 yaşındaki Gurbangulı Berdımuhamedov 2007 senesinden başlap yolbaşçı ola, o, 2012 senesi ekinci müddetke saylanıldı.

OSCE-de Anayasadaki bazı tüzetmelerni, hususan, adaletli mahkeme davalarnıñ kefaletinen bağlı tüzetmelerni taqdirledi. Bunen beraber, teşkilâtta «diniy ya da milliy sebeplerden» firqalarnıñ yasaq olunmasını takbih ettiler, bundan da ğayrı, prezident vazifeleri müddetini devam ettirmemege tevsiye ettiler, dep bildire «Alman dalğası».

Human Rights Watch uquq qoruyıcı teşkilâtı Türkmenistandaki nizamnı dünyada eñ repressiv nizamlardan biri olğanını saya.

XS
SM
MD
LG