Link açıqlığı

Bu sene «Eurovision» yarışında Ukrainağa ğalebe ketirgen yırcı Jamala «Eurovision-2017» konkursına milliy saylav jürisi terkibine kirdi. Bu aqta milliy saylav yolbaşçısı Natalya Françuk ilân etti, dep bildire İA UNN, Birinci milliy telekanalınıñ malümatına esaslnıp.

«Ekinci jüri azası Jamala olğanına pek memnünmiz. Er alda, diger namzet olmaz edi. Birinciden, hususan Jamala Ukrainağa «Eurovision-2016» yarışında ğalebe ketirdi, ekinciden, konkursta iştirak etüv tecribesinen paylaşa bile ve iştirakçini, onıñ muvafaqiyetini tekrarlasın dep, azırlap olur», – dedi Françuk.

Jamalanıñ milliy saylav jürisinde olması yırcılarnı yarışta iştirak etmege teşviq etecek. Bu aqta Ukraina Milliy telekompaniyası baş müdiri Zurab Alasaniya ayttı.

«Jamala «Eurovision-2017» konkursına milliy saylav jürisi terkibine kirmege razı olsı. Öyle körüne ki, mantıqlı bir adım, öylemi? Böyle degil. Ukrain qırımtatar yırcını milliy saylav jürisine davet etüv mantıqlıdır, bunı ekinci sefer UA Birinci ve STB telekanalları beraperlikte keçire. «Eurovision-2016» yarışında ğalebe qazanğan soñ dünya yıldızı olğan Jamalanıñ razılığı ise, onıñ aynı Ja, açıq ve samimiy göñülli qız qalğanını tasdıqlay. Eminim ki, jüri terkibinde aqiqiy ğalipniñ bulunması, yahşı muzıka taqımlarını ve istidatlı yırcılarnı yarışta iştirak etmege teşviq etecek ve konkurs iştirakçilerini bütün imkânlarnı qullanmaq içün ilham berecek», – dedi Alasaniya.

«Eurovision-2017» yarışına milliy saylav sentâbr 1-de başlandı. Konkurs jürisiniñ birinci azası muzıka prodüseri ve bestekâr Konstantin Meladze oldı.

XS
SM
MD
LG