Link açıqlığı

Sentâbr 12-de Canköy sakini apaynen körüşmek içün Sıvaştan keçti.

Bu aqta Ukraina Devlet sıñır hızmetiniñ matbuat hızmeti bildire.

Qırım sakini arbiy ve sıñır noqtalarını taraftan keçti. Bundan soñ adam añlattı ki, olardan qolay keçti.

Berdânsk sıñır taqımınıñ sıñırcıları Canköy sakinini onıñ Sıvaş sailinde suvdan çıqqanında tuttı.

Aqay kişiniñ bildirgenine köre, o «Çonğar» keçirüv noqtasını taraftan keçmege tırıştı, çünki onıñ vesiqalarnen bağlı problemaları bar edi. Adam, Ukraina qıtaiy qısmında bulunğan apayını körmege istedi.

Ukraina Devlet sıñır hızmetiniñ malümatına binaen, Qırım sakini sıñırnı keçüv qaidelerini bozğanı aqqında memuriy protokol tizildi.

Qırım 2014 senesi Rusiye tarafından işğal etilgen soñ qıtaiy Ukraina ve yarımada arasında resmiy olaraq memuriy, aqiqaten ise, kerçek «sıñır» yerleşti. Memuriy sıñırda üç kiriş/çıqış nezaret noqtası çalışa: «Kalançak», «Çonğar» ve «Çaplinka».

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG