Link açıqlığı

Saatnıñ esas haberi

Zaur Smirnovnıñ fikrince, «qırımtatarlarnıñ çoqusı» Qırımda saylavlarda iştirak etecek


Zaur Smirnov
Zaur Smirnov

Kremlge boysunğan Qırım ükümetiniñ Milletlerara munasebetler ve sürgün etilgen vatandaşlar meseleleri boyunca Devlet komitetiniñ yolbaşçısı Zaur Smirnov qayd ete ki, yarımadada «saylayıcı qırımtatarlarnıñ çoqusı» yaqında keçirilecek Devlet Dumasına saylavlarda iştirak etecek. Bu aqta TASS agentligi bildire.

«Bugünki künde qırımtatarlarnıñ 60 fayızından ziyade Devlet Dumasına saylavlarda iştirak etecek. Bu pek yüksek fayız, bu, olarnıñ federal em de regional akimiyet organları tarafından destek körgenini ve duyğanını köstere», – dep aytıla Smirnovnıñ beyanatında.

Onıñ sözlerine köre, Qırımda «içtimaiy leyhalar, hususan bundan evel sürgün etilgen vatandaşlarnı evlernen teminlev boyunca leyhalar, tez şekilde ömürge keçirile», bu cümleden, qırımtatar tili inkişafı boyunca programma çerçivesinde bu sene Qırım mekteplerine ana tilinde 45 derslik berildi.

Sentâbr 18-de, rey berüv bir kününde Rusiye toprağında ve işğal etilgen Qırımda Rusiye Federatsiyası VII-nci çağıruv Federal toplaşuvı Devlet Dumasına saylavlar keçirilecek.

Qırımtatar Milliy Meclisi reisi Refat Çubarov işğal etilgen Qırım sakinlerini rusiyeli Devlet Dumasına qanunsız saylavlarnıñ keçirilmesi teşkil etilmesiniñ bütün basamaqlarını boykot etmege çağırdı.

Ukraina Yuqarı Radası ecnebiy devletler parlamentlerine ve halqara teşkilâtlarğa Rusiye Devlet Dumasına saylavlarnıñ Qırımda keçirilmesini nezaret etmekten vazgeçmege muracaat ete, bunen beraber, er angi şaraitte bunıñ neticeleriniñ tanımamağa çağıra. Ukraina parlamenti de bunıñ neticelerini tanımamağa çağıra.

XS
SM
MD
LG