Link açıqlığı

Saatnıñ esas haberi

Çiygoz boyunca mahkemede zararlanğanlarnı diñlemege devam eteler


Avgust 25-te, cumaaqşamı künü Rusiyege bosyunğan Qırım Yuqarı mahkemesi «fevral 26 işi» çerçivesinde «Ahtem Çiygoznıñ işi» boyunca toplaşuvnı devam ete. Qırımtatar Qurultayı Merkeziy saylav komissiyasınıñ reisi Zair Smedlâyevniñ Qırım.Aqiqatqa bildirgen malümatına binaen, zararlanğanlarnıñ sorğuğa çekilmesi devam ete.

«Şimdiki vaqıtta zararlanğanlar diñlenile. Üyle teneffüsinden soñ, er alda, devam etecektirler», – dedi Smedlâyev.

Çiygoznıñ özü mahkeme zalında yoq – o diñlenüvde SİZO-dan video konferentsiya vastasınen buluna. Bundan evel mahkeme onıñ toplaşuv zalına yiberilmesi aqqında muracaatnı red etti.

Avgust 23-te mahkemede üç zararlanğan kişini – sabıq ukrain militsionerlerni diñlediler.

Ahtem Çiygoz 2014 senesi fevral 26-da Qırım Yuqarı Radası binası yanında Ukraina topraq bütünligine destek olaraq keçirilgen mitingde iştirak etkeni içün 2015 senesi yanvar ayında yaqalandı.

Rusiye mahkemesi «Çiygoznıñ işini» «fevlral 26 işi» çerçivesinde, iyül 20-de mahkeme qapalı toplaşuvda «fevral 26 işini» ekige bölgen soñ oldı: ayrı – Ahtem Çiygoz boyunca, ve ayrı – cinaiy iş boyunca qabaatlanğan Ali Asanov ve Mustafa Degermenci boyunca.

Ahtem Çiygoz mahkemede özüni qabaatlı tanımadı.

Ukraina Yuqarı Radası Rusiyeniñ vaqtınca Qırım işğaliniñ başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG