Link açıqlığı

Avgust 24-te Ukraina Mustaqilligi künü ukrain şair Taras Şevçenko abidesi yanında sarı-mavı timsallernen çiçekler peyda oldı.

Bunen beraber, Qırım.Aqiqatqa Radio Svoboda mühbiriniñ bildirgenine köre, abide yanında faal şekilde rusiyeli politsiya hadimleri patrul etmekte.

Avgust 24-te, çarşenbe künü Ukrainada Mustaqillik künü qayd etile. 25-ci doğğan kününde bütün devlet boyunca tantanalı merasimler keçirilecek. Prezident Petro Poroşenko, arbiy parad merasiminde sözde bulunıp, Ukrainada işğal etilge Qırım ve Donbass sakinleri aqqında hatırlağanlarını qayd etti.

Qırım Rusiye tarafından işğal etilgen soñ yarımadada Ukraina Mustaqillik künü yarı gizli şekilde qayd etile. Avgust 24-ten eki kün evel Ukrain medeniyet merkeziniñ faali Leonid Kuzminni, Ukraina doğğan künü er angi aktsiyalar keçirilmesinden uzaq tursın, dep haberdar ettiler. Aynı böyle haberni Qırımda daa eki faal aldı.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG