Link açıqlığı

Saatnıñ esas haberi

Qırımdan çıqacaq bütün erkeklerni ruslar sorğudan keçire – Ukraina Devlet sıñır hızmeti


İşğal etilgen Qırımdan qıtaiy Ukrainağa çıqmağa istegen bütün erkeklerni Rusiye mahsus hızmetleri tetamatlı sorğudan keçire. Bunı Ukraina Devlet sıñır hızmetiniñ reisi Viktor Nazarenko bildiri.

«Ayrıca, yolculıqnıñ maqsadı, şahıs belgileri, telefon nomeraları, yaşağan yerleri ve diger gizli malümatlar sorala. Melez cenkniñ farqlı çeşitleri ola. Bu sadece onıñ daa bir misalidir. Neiçün şimdi böyle yapılğanını vaqıt kösterer», – dey Nazarenko Glavkomğa bergen intervyüsında.

Onıñ sözlerine köre, Qırım ile memuriy sıñırda yerleşken keçit noqtalarınıñ bütün üçünde de böyle vaziyet mevcut.

Viktor Nazareko qayd ete ki, Rusiye Federatsiyasınñ tarqatqan «ukrain vatandaşları tarafından terror eylemleri azırlanğanı aqqında sahte haberleri» –bu bizim vatandaşlarımızğa qarşı yapılğan basqını gizlemek içün yapılğan ıntıluvlar, çünki memuriy sıñırnı, ekseri allarda, tek ukrainliler keçe», – dedi Ukraina Devlet sıñır hızmetiniñ reisi.

O hatırlata ki, avgust 7 kününden başlap rus mahsus hızmetleri ara-sıra keçit noqtalarını qapatqanları vaqıtta, «bizim taraftan vaziyet köntrol altında edi ve tahmin etile bile edi».

İşğal etilgen Qırım ile memuriy sıñırdaki vaziyet avgust 7 künü mürekkepleşti. O Vaqıt Rusiye mahsus hızmetleri ara-sıra keçit noqtalarını qapata edi.

Avgust 10 künü Rusiye Qırımda sabotaj taqımı yaqalanğanı aqqında beyan etti. Ukraina bu qabaatlavlarnı inkâr ete.

XS
SM
MD
LG