Link açıqlığı

Mahsus Qırım.Aqiqat içün

İşğal etilgen Qırımda ukrain «diversiyalarınıñ» ögü alındı kibi ikâyelerniñ Vladimir Putinge duşmanları ile küreşini kösterecek olğan Rusiye uquq qoruyıcılarınıñ beklemegen bir aqibetleri oldı. Vladimir Putinniñ özü de bunı pek beklemegendir, çünki Ğarpqa ukrain reberiyeti ile muzakere keçirmek imkânsız olğanını kösterecek edi – Minsk añlaşmaları aqqında laf olurmı?

Rusiye provokatsiyasınıñ esas aqibeti – Qırımnıñ halqara kün tertibine qaytmasıdır. Mence, soñki vaqıtqa qadar Ğarpta Qırım sözüni eşitecek alları olmağanını isbatlamaq kerekmey. Donbasstaki vaziyetniñ eyilişmesi daa müim kibi kele edi. Olar emin edi ki, Putin içün Donbasstan qat-qat müim olğan Qırım meselesinde yayğara yapılmasa, cenk areketleri bitsin, Rusiye hızmetçileri silâsını qaldırsın ve eñ azından esas Ukrainada kontrol tiklensin dep añlaşıp olacağını tüşüngen ediler.

Ğarp aşkâr bir şeyni añlap olamadı (asılında, onı Qırımnıñ bir çoq sakini de, bir çoq ukrain de añlamadı). Putinge ne Qırım, ne de Donbass kerek. O, Ukrainanı almaq istey. Daa doğrusı – Ukrainadaki vaziyetni kerginleştirmek. Donbasstaki vaziyet kerginleşkeninen Rusiyege qarşı cezalar quvetlenecegini añlağan soñ Qırımnı qullanmağa istediler. Qırım – Minsk añlaşmalarınıñ tışında qaldı, bunı Ğarp da ayta. Demek ki – işğal altındaki yarımadada istegenini yapmaq mümkün!

Ğarp kene Qırımnı laf ete. Şimdilik Rusiye ve Ukraina arasındaki zıddiyet alanı ola bilecegini aytalar. Amma bu da ileri atılğan bir adım ola

Amma Putinniñ areketleri bam-başqa hulâsağa ketirdi. Ğarp kene Qırımnı laf ete. Şimdilik Rusiye ve Ukraina arasındaki zıddiyet alanı ola bilecegini aytalar. Amma bu da ileri atılğan bir adım ola. Putin özü Donbassta – cenk, Rusiye Federatsiyasına özü qoşulmağa «istegen» Qırımda ise tınçlıq-amanlıq, Aksenovnıñ bereketi aqqında hayalnı yoq etti. Qırım ve Donbass arasında bir farq yoq. Ekisi de – cenk alanına çevirile bile.

Vaqıt kelir, Ğarp Donbasstaki vaziyetniñ eyilişmesi yeterli olmağanını añlap, Qırımğa köz yummaq yañlış olğanını añlar. Ukrainanıñ bir parçası olğan Qırım Ukrainağa qoltutqan ealisi ile Avropa telükesizligini ve halqara uquqqa riayet etilmesini kefil ete bile. Şimdilik bu maqsatqa irişilmedi – istiqrar ve tınçlıq şimdilik arzularda qala.

Vitaliy Portnikov, Kyiv jurnalisti, Qırım.Aqiqat közeticisi

«Fikir» rubrikasında bildirilgen fikir-tüşünceler müelliflerniñ noqtaiy-nazarını aydınlatıp, muarririyetniñ baqışları ile aynı olmaması mümkün

XS
SM
MD
LG