Link açıqlığı

Sabıq Qırım mabusı, Aqyar sakini Yuriy İlçenko Qırımdan qaçtı ve Ukraina qıtaiy qısmında buluna. Bu aqta malümatnı avgust 16-da Kiyevde keçirilgen matbuat konferentsiyasında Ukraina haber siyaseti naziriniñ birinci muavini Emine Ceppar bildirdi.

«Yuriy İlçenko 2015 senesi iyül 2-de FSB tarafından yaqalanğan edi ve SİZO-da 11 ay devamında bulundı. Bundan soñ onı Aqyarda ev yaqalanmasına keçirdiler ve o qaçtı», – dep añlattı Ceppar.

Avgust 17-de Yuriy İlçenkonıñ iştirainen matbuat konferentsiyasınıñ keçirilmesi planlaştırıla, sabıq mabus Qırım apishanelerinde neler olğanını añlatmaq niyetindedir.

Yuriy İlçenko, Qırım Rusiye tarafından işğal etilgeni ve Rusiyeniñ Donbasstaki areketlerine qarşı maqale derc etilgen soñ yarımadada yaqalandı. Kremlge boysunğan Qırım ükümeti onı Rusiye Federatsiyası Cinaiy kodeksiniñ 280-ci ve 282-ci maddeleri boyunca (halq ögünde ekstremistik faaliyetke çağıruv ve milletlerara munasebetlerni kerginleştirüv) qabaatladı.

Rosfinmonitoring İlçenkonı terroristler ve ekstremistler cedveline kirsetti.

XS
SM
MD
LG