Link açıqlığı

İşğal etilgen Qırım ile memuriy sıñırdaki «Çonğarda» adamlar ve naqliyeniñ keçirilmesi avgust 9-da, salı künü saba saat 10-dan 12-ge qadar qapalı edi, dep bildire «Krım SOS» cemaat teşkilâtı.

«Şimdiki vaqıtta keçirüv yañıdan başlatıldı. Ukrain tarafından nevbetler 1 km, yarımada tarafından 5-6 km teşkil ete», dep qayd etile teşkilâtnıñ Facebook saifesinde.

«Krım SOS» teşkilâtında añlattılar ki, Herson vilâyetine avgust 8-de, bazarertesi künü saba memuriy sıñırğa kelgen maşnalar keçe, «yani, qıtaiy qısımğa sıñırdan keçüv şimdiki vaqıtta bir künden ziyade vaqıt ala». Sıñırdan cayav keçmek içün tahminen eki saat kerek.

Rusiyeli sıñırcılar bütün şahsiy eşyalar, yük ve el çantalarını teşkerip baqa, dep qayd eteler cemaat teşkilâtında.

Qırım yarımadası ile memuriy sıñırda kritik vaziyet avgust 7-de saba başlandı, o vaqıttan berli rusiyeli taraf bunıñ sebebini añlatmay. Bunen beraber, keçirüv noqtalarınıñ işi ne vaqıt bütünley tizilecegi belli degil.

Şimdiki vaqıtta «Kalançak» qapalı, «Çaplinkada» adamlar tek Qırım tarafına keçirile.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG