Link açıqlığı

Saatnıñ esas haberi

Yaltada Qırım.Aqiqat saytına kiriş blok etilgeni aqqında bildirile


Rusiye tarafından işüal etilgen Yaltada da endi Radio Svobodanıñ leyhası olğan Qırım.Aqiqatqa kiriş blok etildi. Böyle malümatnı yerli sakinler bildire.

Krımtelekom provayderi saytqa kirişni blok ete.

Rusiye tarafından işğal etilgen Qırımda internet provayderleri mustaqil neşirlerni blok etmege devam ete. Avgust 6-da «Krım SOS» cemaat teşebbüsiniñ saytı blok etilgeni aqqında belli oldı, avgust 4-te, Qırım.Aqiqattan soñ, «Meridian Sevastopol» mustaqil internet neşriniñ saytı blok etildi. Bundan evel «Çernomorka», «ATR», «Sobıtiya Krıma» saytlarına kiriş sıñırlanğanı aqqında malümat peyda oldı.

Sayt memuriyeti ya da provayder hostingi adına iç resmiy muracaat etilmedi. Muarririyet, resurs blok etilgeni sebebini ögrenmek içün malümat sualinen muracaat etken internet provayderleri daa cevap bermedi.

Rusiyeli Qırım prokurorı Natalya Poklonskaya Radio Svobodanıñ leyhası olğan Qırım.Aqiqat saytı Rusiye tarafından işğal etilgen Qırımda Kremlge boysunğan yarımada prokuraturasınıñ vesiqalarına binaen blok etilgenini bildirdi.

Крым и безопасный интернет. Как обойти блокировку Крым.Реалии (видео)
Bekleñiz, lütfen

No media source currently available

0:00 0:00:47 0:00

OSCE-de, Qırım.Aqiqat saytınıñ blok etilmesi boyunca izaat berip, qullanıcılarnıñ İnternette malümat alma ve paylaşma aqqı haber saytlarına kirişni blok etüv vastasınen bozuluvından qasevet çekkenlerini bildirdiler.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG