Link açıqlığı

Frenkistan: Ruan şeerindeki meyhanede yanğın neticesinde 13 kişi elâk oldı, 6 yaralandı


Frenkistannıñ Normandiya regionında yerleşken Ruan şeerindeki meyhanesinde yüz bergen yanğın neticesinde eñ azdan 13 insan elâk oldı ve altı kişi yaralandı. Bildirilgen malümatqa köre, elâk olğanlar 18-25 yaşında edi. Zararlanğanlardan biri ağır alda buluna.

Yanğın şeer merkezinde yarı gecede «Kuba Libre» meyhanesiniñ mağazında ziyaretçilerden biri doğğan kününi qayd etken vaqıtta yüz berdi.

İlk malümatlarğa binaen, bayram tortındaki yarıqlar yanğın sebebi olğandır. Gençler, er alda, tavan yanğanından çıqqan gaznen zeerlengen.

Frenkistan içki işler naziri Bernar Kaznov avgust 6-da bildirdi ki, şimdiki vaqıtta uquq qoruyıcılar yanğın sebebini ögrene. Taqiqat işleri devam ete.

XS
SM
MD
LG