Link açıqlığı

Saatnıñ esas haberi

Qırımğa boranlı yağmur ve şiddetli yel kele


Avgust 5-te, cuma künü Qırımda furtuna havfı ilân etildi. Rusiyege boysunğan Fevqulade vaziyetler nazirligi Qırım idaresiniñ malümatına köre, yaqın eki-üç saatta yarımadada boranlı yağmur, şiddetli sağanaqlar, burçaq ve şiddetli yel beklenile.

Bozğun ava Qırımda avgust 6-ğa qadar devam etecek, dep bildirdiler müessisede.

«Qırım gidrometeorologiya ve etraftaki müit nezareti boyunca idaresiniñ malümatına köre, yaqın eki-üç saatta ve avgust 5 kününiñ soñuna qadar, avgust 6-da kündüz Qırımnıñ bazı rayonlarında şiddetli sağanaqlar, boranlı yağmur, burçaq, saniyede 15-20 metr suratınen yel beklenile. Bunen beraber, Qırımnıñ bazı rayonlarında yanğın hafvı devam etecek», – dep aytıla beyanatta.

Avgust 4-te, cumaaqşamı künü yaşın elektrik ağına urğanı sebebinden Krasnoperekopsk rayonındaki bazı köylerde yarıqsız qaldı.

Çarşenbe künü yarımadada şiddetli sağanaqlar ve boranlı yağmurlar yağdı. Şaatlarnıñ bildirgenlerine köre, Aqmescit rayonında, hususan Molodöjnoye köyünde bir qaç ev yarıqsız qaldı, yel tereklerni yıqtı.

XS
SM
MD
LG