Link açıqlığı

Canköy ve Ermeni Bazarda eki loqsahane qapatıldı – Kütleviy haber vastaları


Canköy ve Ermeni Bazarda vaqtınca eki loqsahane qapatıldı, dep bildire «Krıminform» saytı, Kremlge boysunğan Qırım sağlıq saqlav nazirlginiñ malümatına esaslanıp.

Loqsalar Qurman merkeziy rayon hastahanesine ve Kezlev loqsahanesine yollanıla.

Müessisede qayd ettiler ki, Canköy loqsahanesinde sağlıq saqlav zemaneviyleştirilmesi programması boyunca tamir işleri alıp barıla. İşler tahminen 2016 senesiniñ soñunda yekünlenecek.

«Ermeni Bazar loqsahanesi 2016 senesi avgust 1-den plan boyunca odalarnıñ işlenilmesine («yuvunmasına») qapatıla», – dep bildirdi nazirlikniñ matbuat hızmeti.

Elde etilgen malümatqa köre, Ermeni Bazar loqsahanesi iyül ayından başlap çalışmay, Canköydeki loqsahane ise, keçken sene küzde tamir işleri yapılması sebebinden qapatıldı.

Curçı rayonındaki loqsahane, o yerde ameliyat keçirgen yekâne ekimniñ işten boşatılmasından soñ, qapatıla bile. Curçı köy şurasınıñ deputatı Viktor Pelentsovnıñ bildirgenine köre, loqsahanede ameliyat keçirgen ekim soñraki işten boşatılmasınen tatil aqqında ariza yazdı. Diger ekimler, yerli memuriyet olarğa meskün yerlerni bermegeninden sebep, müessisede çalışmağa azır degil.

XS
SM
MD
LG