Link açıqlığı

Kurbedinov Qırımda belgisiz şahıslarnıñ adliyeciler ofisine sürip kirmek ıntıluvını zenaat faaliyetinen bağlay


Emil Kurbedinov

Emil Kurbedinov

Avgust 4-te belgisiz şahıslar sürip kirmege tırışqan Aqmescitteki adliyeciler ofisinde eki yardımcı qız buluna, olar içinden qapatıldılar ve belli olmağanlarnıñ içine kirmelerine yol bermemege tırışa. Bu aqta Qırım.Aqiqatqa bu ofiste çalışqan adliyeci Emil Kurbedinov bildirdi.

Bu vaqianı o öz zenaat faaliyetinen bağlay.

«Ofiske kirmege tırışqan insanlar özüni basqıncı olaraq alıp bara, qapını ayaqnen ura, özüni tanıtmay, iç vesiqalarnı taqdim etmey. Böyle israrlıqnı zenaat faaliyetimnen bağlayım. Odada adliyeci dosyeleri ve içinde adliyeci sırı olğan malümat bar», – dep ayttı Kurbedinov, o şimdiki vaqıtta Rostov-na-Donu şeerinde mahkemede buluna.

Onıñ sözlerine binaen, ofiste bulunğan yardımcılar üç kişini kördi, qızlar politsiyağa daa muracaat etmedi, çünki bu, adliyecilerniñ fikrince, vaziyetni kerginleştire bile.

Bundan evel tahmin etti ki, avgust 4-te o zenaatdaşlarınen beraber çalışqan Aqmescitteki ofiske sürip kirmege tırışqan insanlar, uquq qoruyıcı organlarınıñ temsilcileri ola.

Kurbedinovnıñ bildirgen malümatı boyunca Qırımda uquq qoruyıcı organlarınıñ resmiy izaatları yoq.

Rostov-na-Donu şeerinde «Hizb ut-Tahrir» teşkilâtınen bağlı olğanında qabaatlanğan dört Qırım musulmanı mahküm etile. Olarnıñ imayecileri Emil Kurbedinov ve Edem Semedlâyev ola.

«Hizb ut-Tahrir» halqara islâm siyasiy teşkilâtı, bütün musulman devletleriniñ islâm halifatına birleştirilmesini öz maqsadı olğanını ayta, amma olar, bu maqsatqa irişmek içün terroristik usullarnı red ete ve Rusiyede adaletsiz taqip etilgenini ayta. Rusiye Yuqarı mahkemesi 2003 senesi «Hizb ut-Tahrir» teşkilâtını 15 «terrorist» birleşme cedveline kirsetip, onı yasaq etti.

XS
SM
MD
LG