Link açıqlığı

Aqmescit ükümeti Yamaldan kele bilecek Sibir qoturından qorqa


Rusiyege boysunğan Aqmescit şeer memuriyetiniñ saytında, Rusiyeniñ Yamal-Nenetsk muhtar okrugında epizootik vaziyeti olğanı sebebinden, ev ayvanlarınıñ Sibir qoturınen hastalanma havfı astında bulunğanı aqqında bildirile.

Bu yerde soñki 75 yıl devamında ilk sefer Sibir qoturınıñ peyda olıp tez tarqaluvı qayd etildi. Okrugnıñ Yamal rayonında iyül 25-te karantin ilân etildi. O vaqıt ayvanlarnıñ kütleviy ölümi aqqında belli oldı: Sibir qoturından 2 biñden ziyade sığın öldi.

Aqmescit memuriyetiniñ beyanatında hastalıqnıñ hususiyetleri, hastalanma yolları ve profilaktika usulları añlatıla.

Aqmescit sakinlerine elinde mal ekimlerinden alınğan şeadetnameleri olmağan, satuv aqqında kerekli vesiqaları olmağan şahsiy insanlardan ayvan etini satın almamağa tevsiye etile.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG