Link açıqlığı

Saatnıñ esas haberi

Türkiye reberleri qırımtatarlarnıñ liderleri ile körüşti


Türkiyeniñ paytahtı Ankarada bazarertesi künü, avgust 3-te, Türkiye prezidenti Recep Tayip Erdoğannıñ qırımtatarlarnıñ liderleri – Ukraina prezidentiniñ qırımtatar halqınıñ işlerinden vekâletlisi Mustafa Cemilev, Qırımtatar Milliy Meclisiniñ reisi Refat Çubarov ile körüşüvi olıp keçti.

Körüşüvde Meclis reisiniñ muavini Aslan Ömer Kırımlı ve Qırımtatar Milliy Qurultayınıñ delegatı, Ukraina halq deputatınıñ yardımcısı Rustem Ümerov da iştirak ettiler.

Bunı Meclisniñ matbuat hızmeti bildire.

II Bütündünya qırımtatar kongressi olıp keçken Ankarada Meclis liderleriniñ Türkiye baş naziri Ahmet Davutoğlu ile körüşüvi olıp keçken edi.

Körüşüv tafsilâtları aydınlatılmadı.

Türkiye Cumhuriyetiniñ reberligi Qırım işğali ile küreşte qırımtatar halqına qoltutqanını bildirgen edi.

2014 senesi mart ayında Rusiye Qırımnı işğal etti. Aman-aman 10 biñ qırımtatarı yarımadanı terk etip, qıtaiy Ukrainağa köçti.

XS
SM
MD
LG