Link açıqlığı

Qırım agrar saasınıñ vekilleri zararına çalışıp, faaliyetni toqtatmağa mecburlar


Canköy – Şimaliy-Qırım kanalında suv olmağanı, mallar satılğan yerlerniñ eksilüvi ve mahsulatlarnıñ paalılaşuvı sebebinden Canköy rayonında yaşağan ziraatçılar zarar körmekteler.

Bunı Qırım.Aqiqat saytına yerli sakinler tarif ettiler.

Aytqanlarına köre, Rusiye Qırımnı işğal etken soñ birden meseleler çıqıp başladı.

«Başta Şimaliy-Qırım kanalından suv kesildi, bu sebepten yerli zairaatçlarnıñ 70% faaliyetni toqtattılar, qalğan 30% quyu qazmağa mecbur oldılar. Amma, bunıñ episi paalığa tüşe. Er kes bunı yapamadı», – dep ayta Canköy rayonı sakini Arsen.

Suv qıtlığından ğayrı, azır mallarnı kimge satmaq meselesi çıqtı.

«Evelden, mallarımıznıñ 90%-nı biz Ukrainada sata edik, endi ise olarnı anda alıp ketmege küç oldı. Rusiyege alıp barmağa asıl çare yoq. Bir kün coyıp parom keçitinde turmaq kerek, em de Krasnodar ülkesinde sebze, meyva çoq. Demek, malarımıznı tek Qırımda satıp olamaız», – dep şikâyet ete yerli ziraatçı Seyran.

Bunen beraber, bu sene urluq, kübre, çeşit qarışmalarnıñ fiyatı eki qat östi.

Herson vilâyeti akimiyeti işğal etilgen Qırımğa suvnı dünya boyunca olğan fiyatqa satmağa azır olğanını aytqan edi, 1 kubometr içün – 1 yevro soraylar.

Qırımnıñ suv ihtiyaclarını Dnepr özeninden kelgen Şimaliy-Qırım kanalı teminley edi. Suv köy-hocalıq saasında qullanıla edi. Qırım işğal etilgen soñ, suvnı kestiler.

XS
SM
MD
LG